उनीहरुले चार हजार रियालसम्म पाउन बाँकी छ । 'मेरो तीन महिना १२ दिनको तलब चार हजार रियाल छ', मोरङ मधुमलाका खड्ग बुढाथोकीले भने- 'हामीले यति धेरै मिहेनत गरी काम गर्दाको ज्याला समेत नपाउने स्थिति भएकोले एकदमै चिन्तित छौं ।'उनीहरुलाई दुताबासले स्थानीय श्रम बिभागमा उजुरी हाल्न सिफारीस गरेको छ । पीडितले खानाको लागि जोहो गर्न सकेका छैन् । 'कोसँग माग्न जाने ?', चिन्तित अबस्थामा भेटिएका दोलखाका गन्जे थामीले भने,', चिन्तित अबस्थामा भेटिएका दोलखाका गन्जे थामीले भने,'हाम्रो खाता बन्द गरिएको अबस्था छ । खाद्यान्य जुटाउन सकिएको छैन् ।'ती कामदार दिवान कन्सल्टेन्टस् (८४१) र सुप्रप सोलुसन म्यानपावर कम्पनीबाट त्यहाँ पुगेका हुन् । 'म्यानपावरलाई यताको अबस्थाको बारे जानकारी गराउदा उल्टै मुदिर भाग्ने हुदैन भन्ने जवाफ दिन्छ', भर्खरै पुगेका सुरेन्द्र बुढाथोकीले भने । त्यस कम्पनीमा बिरामी परिरहेका दोलखाका लालसिंह थामीको उपचार समेत हुन सकिरहेको छैन् ।उता अलमिसका मुदिर भने चार महिनादेखि फरार छन् । 'मुदिर फरार भएपनि हाम्रो सम्र्पक भने कपिल -स्पोन्सर)सँग छ ।', पीडित पर्वतका मेघबहादुर दमाईले भने,'स्पोन्सरले केही गर्दैन् ।'उनीहरुको पनि चार महिनाको तलब बाँकी छ । पीडित कामदार कतारको सनैयामा बस्दै आएका छन् । उनीहरु घर फिर्न सकेका छैन् । उनीहरु पनि स्वदेश फिर्ताको लागि सहयोग गर्न नेपाली दुताबास समक्ष अनुरोध गरेका छन् ।
Post a Comment