कस-कसको करिअरसँग जोडिएको छ स्वेताको मस्त जवानी ?

माघको १७ गते नजिकिदै जाँदा नेपाली चलचित्र ‘प्रोड्यूसर’ टिमको मुटुको ढुकढुकी बढिरहेको छ । कारण हो, यो सिनेमासँग धेरै चलचित्रकर्मीको आशा र भबिष्य जोडिनु । चलचित्रका निर्देशक जनकदिप पराजुलीको लागि नै यो सिनेमा महत्वपूर्ण छ । नेपाली सिने बजारमा यही चलचित्र मार्फत डेब्यू गर्न लागेका पराजुलीका लागि ‘प्रोड्यूसर’ चल्नु आवश्यक छ । सिने बजारमा आफ्नो छवि कायम गर्न निर्माताको कथा रमाइलो पाराले देखाइएको यो सिनेमा जनकदिपका लागि चल्नु जरुरी छ ।यस्तै चलचित्रबाट नायकको रुपमा उदाएका श्याम अर्यालको करिअर यसैसँग जोडिएको छ । सिनेमा चलेको खण्डमा उनको हातमा अन्य सिनेमा पनि आउने छन् । नव नायिका पायल रायमाझीका लागि पनि डेब्यू सिनेमा चल्नु जरुरी छ । नायिका स्वेता भट्टराइको उकालो लाग्न नसकेको करिअर जोगाउने आशा यसै सिनेमा माथि छ । निर्माणपक्षले उनको


आइटम नृत्य रहेका ‘मस्त जवानी’ बोलको गीत यतिबेला संचारमाध्यममा जोडतोडका साथ प्रचार गरिरहेको छ । स्वेताको मस्त जवानी हेर्न दर्शक कसरी हलसम्म आउँछन् त्यो भने माघ १७ गते नै थाहा हुनेछ । यो सिनेमा हाँस्यकलाकार विल्सन विक्रम राइका लागि पनि महत्वपूर्ण छ । चलचित्रको प्रोमोमा निक्कै राम्रो स्थान पाएका विल्सन दर्शकलाई हलसम्म तान्ने सबैभन्दा तगडा हतियार हुन् । यदि यो सिनेमा हेर्न दर्शक हलसम्म आएनन् भने विल्सनको क्रेज ठूलो पर्दामा छैन भन्ने देखिन्छ । ज्योती कुमार राई र राजकुमार राइले लगानी गरेको यो सिनेमामा श्याम राई, बाबु बोगटी लगायतका कलाकार पनि छन् । नेपाली सिनेमा भित्रकै कथालाई देखाइएको यो चलचित्र पनि नचलेको खण्डमा सिने नगरीका बिषय दर्शकका लागि खासै रुचिकर हुँदैन भन्ने प्रष्ट हुनेछ । यसअघि स्टार, कलिउड लगायतका सिनेमाले बक्स अफिसमा हावा खाइसकेका छन् । यसैले पनि ‘प्रोड्यूसर’सबैका लागि प्रतिक्षाको रुपमा रहेको छ । -कस-कसको करिअरसँग जोडिएको छ स्वेताको मस्त जवानी ?